Бизнестің Цифрлық Трансформация
бағдарламасын іске асыру қорытындылары

2020 жылы «Самұрық-Энерго» АҚ Цифрлық трансформациялау бағдарламасының 4 жоба мен 13 іс-шараны қамтыған Жобалар және іс-шаралар портфелін (Портфель) іске асыруды жалғастыруда, және 2025 жылға қарай 27,5 млрд теңге мөлшеріндегі таза пайдаға қол жеткізуді жоспарлап отыр.

Жоба/іс-шара атауы

Статусы

2020 жыл қорытындысы

АРЧМ енгізу (жоба)

 

Іске асыру процесінде
  • «ЕГРЭС-1» ЖШС және «МГЭС» АҚ станцияларына жабдықтарды ішінара жеткізу жүргізіліп, құрылыс-монтаждау жұмыстары басталды. Жоба бірыңғай диспетчерлік басқару желісіндегі реттеуге қатысу арқылы қосымша табыс көзін алу мақсатында жиілік пен қуатты реттеуді автоматтандыруға бағытталған. Жобаның 2021–2025 жылдар аралығында күтілетін пайдасы 4, 95 млрд теңге.

Біріктірілген жоспарлау жүйесі (жоба)

 

Жүйе енгізілді, жоба «Мониторинг» сатысында
  • 2020 жылы «ЕГРЭС-1» ЖШС-де баламалы отынның (УРУТ) тұтыну нормасы 13,51 г/кВт*с-қа, «СЕГРЭС-2» АҚ-да 8,30 г/кВт*с-қа төмендетілді, сонымен қатар «ЕГРЭС-1» ЖШС-де технологиялық суға шығыны да оңтайландырылды. 2020 жылдың қорытындысы бойынша 1,04 миллиард теңгенің таза пайдасына қол жеткізілді. Жобаның 2020 жылдан 2024 жылға дейінгі жоспарланған пайдасы 6 миллиард теңгені құрап отыр.

Кешенді қауіпсіздікті басқарудың жаңа моделін енгізу (жоба)

 

Іске асыру процесінде
  • 2020 жылдың 15 желтоқсанында «СЕГРЕС-2» АҚ және «ПВЭС» ЖШС нысандарында жобаның екінші толқыны сәтті аяқталды. 6 жаңа стандарт енгізіліп, жауапты тұлғалар үшін ПҚК белгіленді, 1500-ден астам қызметкер оқытылды, қызметкерлерді еңбекті қорғау мәселелеріне тарту күшейтілді және лауазымдық нұсқаулықтар жаңартылды.
  • Самұрық-Энерго» АҚ ЕТҰ-ларында (жоба жүзеге асырылған нысандарда) ӨҚ және ЕҚ және ҚОҚ басқарудың бірыңғай ұйымдық құрылымы жұмыс істей бастады.
  • 2021 жылдың аяғына дейін – «АЖК» АҚ, «АлЭС» АҚ, «SGE» ЖШС-де жобаның үшінші толқынын жүзеге асыруды аяқтау жоспарланып отыр. Жобаны іске асыру шеңберінде жоба іске асырылғаннан кейін үш жыл ішінде жарақат алу деңгейін 30 %-ға төмендеуіне қол жеткізу жоспарланып отыр.

Ақпараттық қауіпсіздікті басқару және қамтамасыз ету жүйесін енгізу (жоба)

 

Іске асыру процесінде, жоба «Мониторинг» сатысында
  • Еншілес және бағынысты ұйымдардың ІТ-мамандары ақпараттық қауіпсіздік проблемаларын шешу тәсілдері, киберқауіптерге қарсы тұру, орын алған ақпараттық қауіпсіздік оқиғалары мен кемшін тұстарын тіркеу және Жедел ақпараттық қауіпсіздік орталығымен өзара әрекет ету мәселелері бойынша оқытылды. Іс-қимылды бастау мерзімі туралы бұйрықпен ҮО-да және ЕБҰ-ларда: «EГРЭС-1» ЖШС; «ШГЭС» АҚ; «МГЭС» АҚ; «АлЭС» АҚ; «АЖК» АҚ; «EГРЭС-2» АҚ; «АЭС» ЖШС; «ESC» ЖШС ақпараттық қауіпсіздікті басқару жүйесі іске қосылды.

Жобаларды (бастамаларды) портфельдік басқаруды енгізу 3 іс-шараны қамтиды:

  • Бизнес-бастамалар портфелін басқарудың мақсатты процестерін жаңарту және енгізу
  • Бизнес-бастамалар мен инвестициялық жобалар портфелін басқаруға арналған әдістемелік материалдарды әзірлеу/жаңарту
  • Бағдарламалар/жобалар портфелін басқару офисін құру

 

Аяқталды
  • Қоғамның Жобалар мен іс-шаралар портфелінің құрылымы анықталды (бұдан әрі – Портфель), Қоғамның Жобалар мен іс-шаралар портфелі мен оның компоненттерін басқарудың әдістемелік негіздері әзірленді, және Қоғам Портфеліндегі жобалар мен іс-шараларды жасақтау, теңгерімдеу және бақылау жасауға жауапты құрылымдық бөлімше анықталды. Егер бұрын жобалық басқару тәсілдері әр түрлі болса, қазір олар тұтас бір процестің құрамдас бөліктері болып табылады.

Көшбасшылықты дамыту

 

Іске асыру процесінде
  • Директорлар кеңесінің шешімімен CEO, CEO-1 қызметкерлері үшін жеке даму жоспарлары әзірленді және бекітілді.

Корпоративтік мәдениетті дамыту

 

Іске асыру процесінде
  • Компанияның құндылықтары туралы үздік бейнеролик конкурсы өткізілді, Бизнесті трансформациялау офисімен бірге өзгерістер агенттерінің жұмыс тұжырымдамасы әзірленді.

HR құзыреттерін дамыту

 

Іске асыру процесінде
  • Сараптау орталығы құрылып, «HR бизнес-серіктес» лауазымы енгізілді.

Yellow Pages қағидаттарын іске асыру

 

Аяқталды
  • ІТ-қызметтерін бәсекелес ортаға шығару бойынша жол картасы әзірленді.

ІТ шығындарын оңтайландыру

 

Аяқталды
  • ІТ саласының тұрақты пайдалану шығындарын оңтайландыру жоспары жүзеге асырылды.

Компанияның сатып алу қызметін және диагностика жүргізуді басқару әдістемесін әзірлеу

 

Аяқталды
  • «Самұрық-Энерго» АҚ Сатып алу қызметін басқару ережелері әзірленіп, Басқарма тарапынан бекітілді.

2020 жылы трансформация командасы бизнес тиімділігін арттыруға бағытталған идеялар мен ұсыныстарды іздестіру мақсатында еншілес және бағынысты ұйымдармен, «Самұрық-Энерго» АҚ құрылымдық бөлімшелерімен ауқымды жұмыс жүргізді. Осы жұмыс нәтижесінде Жобалар мен іс-шаралар портфелі жаңартылып, 2020 жылдың желтоқсанында Директорлар кеңесінде мақұлданды. Портфельде қамтылған 7 жоба мен 12 іс-шараның бюджеті 3,5 млрд теңгені құрады, ал болжамды пайдасы 15,8 млрд теңгеге бағаланды.

Портфельге: «Қазандық агрегаттарын мазутсыз тұтандыру жүйесін енгізу (Плазматрон)»; «Қауіпсіз өндіріс»; «Деректерді талдау арқылы желілердегі коммерциялық шығындарды талдау» секілді жобалар енгізілді. Сонымен қатар: «Мастер деректерді басқару процесін енгізу»; «ЖЭО-3-те газбен жұмыс істейтін қазандықтарды жағуды ұйымдастыру»; «Тұрақты жақсарту процесін жетілдіру»; «Корпоративтік менеджмент жүйесін жетілдіру»; «ЖЭК электр энергиясын сатып алу моделін жетілдіру»; «Автоматтандырылған медициналық тексеріс жүйесін енгізу»; «АЭС» ЖШС электр энергиясын тұтынушыларына арналған онлайн-қызметтерді енгізу»; «Жеткізушілер» бастамасымен жобаларды әзірлеу үшін сатып алу қызметін диагностикалау» іс-шаралар қамтылды.

2020 жылы «АЭС» ЖШС заңды тұлғаларына онлайн-қызметтерді енгізу» іс-шарасы басталды. Осы іс-шараның арқасында Алматы қаласы мен Алматы облысының заңды тұлғалары онлайн-режимде барлық қажетті ақпаратты алып, есептесулер жүргізе алады. 2025 жылға дейін кем дегенде 15 мың заңды тұлғаны онлайн-қызметке ауыстыру жоспарланып отыр.

«AЛЭС» АҚ мен «Екібастұз МАЭС-1» ЖШС-да «Автоматтандырылған медициналық тексеріс жүйесін енгізу» іс-шарасы (пилоттық форматта) аяқталды. Іс-шара нәтижесі бойынша «АлЭС» АҚ аппараттық-бағдарламалық жасақтама кешенін сатып алды, бұл кешен қызметкерлерге бір минут ішінде зерттеуден өтіп, өзінің сол сәттегі физикалық жағдайы туралы толық ақпарат алуға және жұмысқа кірісуге рұқсат алуға мүмкіндік береді.

Алдын ала берілген деректер бойынша, 2020 жылы Цифрлық трансформация бағдарламасы бойынша таза пайда 4,42 млрд теңгені құрады, жылдық жоспары 3,31 млрд теңге болғандықтан, орындалуы 133 % құрады. Жобалар мен іс-шаралардың негізгі нәтижелерін қамтитын Цифрлық трансформация бағдарламасының Жол картасын іске асыру 100 %-ды құрап отыр. Бизнесті трансформациялау бағдарламасының Жобалар портфелін жаңарту мақсатында бизнес бастамаларды жинақтау және талдау жұмыстары жалғаса бермек.