Осы Есепті әзірлеу барысында Компания төмендегідей тәсілдер мен қағидаттарды ұстанды:

Мүдделі тараптармен өзара іс-қимыл және оның маңыздылығы.

«Самұрық-Энерго» АҚ-ның мүдделі тараптармен өзара іс-қимылы «Қамтылу» қағидатына негізделеді және Компанияның өз клиенттері мен қызметкерлерінің, серіктестері мен өнім берушілерінің болашағына инвестиция салу дайындығына, Компанияның да, жергілікті қоғамдастықтардың да орнықты дамуын қамтамасыз етуге, компания орналасқан аумақ үшін маңызы бар салаларға әлеуметтік инвестицияларды жүзеге асыруға, сыртқы және ішкі сын-қатерлерге барабар және икемді ден қою үшін барлық тұлғалармен өзара іс-қимылды дамыту дайындығына негізделген (толығырақ «Орнықты даму» бөлімінде берілген).

Стейхолдерлермен өзара іс-қимыл шеңберіндегі «ашықтық» қағидатын ескере отырып, Компания жылдық есепті шығарылғаннан кейін жыл сайын жылдық есепте көрсетілген ақпараттың теңгерімділігі мен толықтығын тексеруді жүзеге асырады, сондай-ақ Компанияның қызметіне және оның мүдделі тараптарына елеулі әсер ететін тақырыптар мен аспектілерді айқындайды, бұл тақырыптар мен аспектілер келесі Есептілік кезеңіндегі жылдық есеп құрылымын қалыптастыру кезінде ескерілуі тиіс мынадай жайттарды: маңызды тақырыптар тізімін айқындауды; сыртқы және ішкі стейкхолдерлер арасында сауалнама жүргізуді; жыл нәтижелері бойынша маңыздылық матрицасын жасауды қамтиды.

Мүдделі тараптар арасында жүргізілген сауалнама нәтижелері негізінде айқындалған маңызды аспектілердің толықтығына, маңыздылығына, теңгерімділігіне талдау жүргізіліп, Компанияның 2021 жылға арналған Маңыздылық матрицасы әзірленді. 2020 жылдың нәтижелері бойынша жасалған талдау Компания мен оның мүдделі тараптары үшін бұрынғыша бизнесті цифрландыруға, тарифтік реттеу мен компанияның қаржылық тұрақтылығына, тиімді инвестициялық қызметке, тәуекелдерді басқару мен энергия тиімділігіне, экологиялық заңнаманы сақтауға, қызметкерлер мен мердігерлердің қауіпсіздігі мен денсаулығын қорғауды қамтамасыз етуге, парниктік газ шығарындылары мен басқа да ластағыш заттарды азайтуға, өндірістік жарақаттануға және т. б. байланысты тақырыптар маңызды болып қалатынын көрсетті.

Маңыздылық матрицасын Директорлар кеңесі 15.12.2020 ж. қарады және бекітті (№ 13/20 хаттама)

2020 ЖЫЛҒЫ МАҢЫЗДЫ ТАҚЫРЫПТАР ТІЗІМІ:

Орнықты даму мәнмәтіні

Есеп Компанияның экономикалық, экологиялық және әлеуметтік аспектісі бөлігіндегі үлесі туралы ақпарат ұсынады.

Толықтығы

Есептің көрсеткіштері мен мазмұны Компанияның есептік кезеңдегі экономикаға, қоршаған ортаға және қоғамға маңызды әсерін көрсету үшін жеткілікті болып табылады.

Теңгерімділік

Аталған Есепте Компания нәтижелерінің есептік кезеңдегі оң және теріс аспектілері көрсетілді. Бөлек көрсеткіштер үшжылдық динамикада көрсетілген.

Салыстырмалылық

Аталған Есепті қолданатын мүдделі тараптар Компанияның қаржылық және өндірістік көрсеткіштер туралы ұсынылған ақпаратын бұрынғы кезеңдердің нәтижелерімен және мақсаттарымен салыстыра алады.

Есеп GRI Standards талаптарына сәйкес әзірленді, бұл стейкхолдерлерге Компанияның қызметін басқа ұйымдардың қызметімен салыстыруға мүмкіндік береді.

Нақтылық

Есептік кезеңде ұсынылған ақпарат мүдделі тараптар есептік кезеңдегі Компания қызметінің нәтижелерін бағалау үшін жеткілікті толық және егжей-тегжейлі болып табылады. Ақпарат сапалы сипаттамалар ретінде де, сандық деректермен де көрсетілген.

Уақытылылық

Есеп аудит жүргізілген қаржылық есептілікті бекіткеннен кейін барынша қысқа мерзімде жыл сайынғы негізде және 30 шілдеден кешіктірмей ұсынылады, бұл аталған Есепте көрсетілген ақпарат өзекті болып табылатынына болжал жасауға мүмкіндік береді. Есеп корпоративтік веб-сайтта бүкіл стейкхолдерлер үшін бір уақытта қазақ, орыс және ағылшын тілдерінде жарияланады.

Айқындық

Есеп туралы ақпарат мүдделі тараптарға түсінікті және қолжетімді нысанда баяндалды.

Сенімділік

Осы есепті дайындау кезінде ұсынылған ақпарат алдын ала талданып, мүдделі тараптардың аталған есепті тексеруге және оның мазмұнының дұрыстығын бағалауға мүмкіндігі болатындай етіп ашылды.

Деректердің дереккөздері мемлекеттік органдарға жыл сайын ұсынылатын ресми есептілік нысандары болып табылады. Бірқатар көрсеткіш ішкі аудит рәсімдері аясында компаниялардың жауапты өкілдері тексеретін ішкі есептілік нысандарына сәйкес жинақталып, есептелді.

Компанияның Есебінде ұсынылған өндірістік, әлеуметтік және экологиялық көрсеткіштерді есептеу, жинау және шоғырландыру есептілік қағидаттарына және Қоғамның Орнықты даму саласындағы есептілік жөніндегі басшылықтың ұсыныстарына және корпоративтік басқару рәсімдеріне сәйкес жүргізілді. Орнықты даму саласындағы көрсеткіштердің әрбір санаты бойынша сандық деректердің дәлсіздік ықтималдығы мейлінше азайды. Қатынастар мен үлестік шамалар абсолюттік мәндермен толықтырылды. Сандық деректер көпшілік қабылдаған өлшем бірлік жүйесін пайдалана отырып көрсетілген және стандартты коэффициенттер көмегімен есептелген.

Есеп барлық мүдделі тараптарға «Самұрық-Энерго» АҚ Компаниялар тобының 2020 жылғы 1 қаңтардан бастап 31 желтоқсан аралығында қызметі мен жетістіктерінің нәтижелерін электрондық нұсқада, қағаз нысандарында және онлайн шолуға мүмкіндік береді. Компанияның алдыңғы Шоғырландырылған жылдық есепті жариялау күні – 2020 жылғы 5 тамыз. Есептің кеш бекітілуі короновирус инфекциясы пандемиясының салдарынан болған шектеу шараларымен байланысты.

Есептің қамту және шекараларының салаларын шектеу

Осы Есепте көрсетілген Компанияның 2020 жылғы 31 желтоқсандағы жағдай бойынша 2020 жылғы және 2019 жылғы 31 желтоқсандағы жағдай бойынша 2019 жылғы аудит жүргізілген шоғырландырылған қаржылық есептілік «ПрайсуотерхаусКуперс» ЖШС («PwC») жүргізген тәуелсіз аудиттің нәтижесі болып табылады.

Осы Есеп аясында қаржылық-операциялық нәтижелер және орнықты даму мәселелері бойынша ақпарат келтірілді. 2020 жылғы сапалық және сандық мәліметтер 2019 және 2018 жылдары пайдаланылған деректер қолданылған көрсеткіштерде ақпаратты салыстыру мен талдау мақсатында ұсынылған. Компания Есептің шекараларын GRI Standards сәйкес анықтады.

«Самұрық-Энерго» АҚ Компаниялар тобының қаржы-шаруашылық қызметінің қорытындылары туралы есепті құру кезінде бірыңғай тәсіл мақсатында шоғырландыруда үлестік қатысу әдісі қолданылады. Сонымен қатар, қолданыстағы есеп саясатына сәйкес, негізгі құралдарды және материалдық емес активтерді көрсету бастапқы құны бойынша, яғни қайта бағалаусыз жүргізіледі. Еншілес компаниялар сатып алу әдісі бойынша шоғырландырылған қаржылық есептілікке енгізіледі. Сатып алынған сәйкестендірілетін активтер, сондай-ақ бизнесті біріктіру кезінде алынған міндеттемелер мен шартты міндеттемелер бақыланбайтын қатысу үлесінің мөлшеріне қарамастан сатып алу күнгі әділ құны бойынша көрсетіледі.

Үлестік қатысу әдісін пайдалану кезінде шоғырландырылған баланста «Самұрық-Энерго» АҚ тарапынан иелік ету үлесі 50 %-ды құрайтын «Екібастұз ГРЭС-2 станциясы» АҚ, «Forum Muider B.V.» көмір активтері компаниясы сияқты ірі компаниялардың айналымы алынып тасталды.

«Самұрық-Энерго» АҚ шоғырландырылған қаржылық нәтижесін қалыптастыру кезінде осы компаниялар бойынша пайда үлесі «Үлестік қатысу әдісі және инвестициялардың құнсыздануы бойынша ескерілетін ұйымдардың пайда/шығын үлесі» бабында көрініс табады.

Компанияның 2020 жылғы аудиттелген шоғырландырылған қаржылық есептілігінде «СамұрықЭнерго» АҚ келесі еншілес және тәуелді ұйымдарының көрсеткіштері пайдаланылды: