Директорлар кеңесі

Директорлар кеңесі Компанияға стратегиялық басшылық жасайды және атқарушы органның қызметіне бақылау жүргізеді.

Кеңес заңнамаға және Корпоративтік басқару кодексіне сәйкес өзінің Компания алдындағы міндеттерін, атап айтқанда, оның пікірінше, акционерлердің ең жақсы мүдделеріне және Компанияның ұзақ мерзімді орнықты дамуына сәйкес келетін шешімдерді қабылдау кезінде бизнестің табысты болуына жәрдемдесу міндетін әрқашан назарға алады.

Жоғары сапалы Директорлар кеңесі – біздің Стратегиямызды табысты іске асырудың кепілі, сондықтан теңгерім директорлар саны тұрғысынан ғана емес, сонымен қатар тәжірибе, дағдылардың, білімнің және ойлау стилінің әртүрлілігі тұрғысынан да Кеңес құрамына қойылатын маңызды талап болып табылады.

Директорлар кеңесінің құрамында тәжірибе мен жеке басының мінездемелері бойынша әртүрлілік қамтамасыз етілген, алайда Директорлар кеңесінің құрамында әйелдердің болмауына байланысты Кеңестің гендерлік құрамы әркелкі емес.

2020 жылы Директорлар кеңесінің сандық құрамы 5 адамнан, оның ішінде 2 тәуелсіз директордан тұрды, бұл қабылданатын шешімдердің тәуелсіздігін және барлық мүдделі тараптар мен Компанияның мүдделеріне сәйкес әділ қарым-қатынасты қамтамасыз етуге ықпал етеді.

Тәуелсіз директорларды сайлаудың негізгі критерийі қандай да бір Тараптың ықпалынан тәуелсіз объективті шешімдер қабылдау үшін жеткілікті деңгейде кәсібилік пен тәуелсіздікке ие болу болып табылады. Тәуелсіз директорлар Компанияда үздік әлемдік тәжірибе стандарттарын қолдану үшін тәжірибелері мен білімдерімен белсенді түрде бөліседі. Тәуелсіз директорлар-Директорлар кеңесінің комитеттерін басқарады және халықаралық басқару тәжірибесін енгізеді.

Тәуелсіз директорлар мүдделер қақтығысы болуы мүмкін мәселелерді талқылауға белсенді қатысады (қаржылық және қаржылық емес есептілікті дайындау, жасалуына мүдделілік бар мәмілелерді жасасу, атқарушы органның құрамына кандидаттар ұсыну, атқарушы органның мүшелеріне сыйақы белгілеу). «Самұрық-Энерго» АҚ-ның тәуелсіз директоры тәуелсіздік мәртебесінің жоғалу ықтималдығын қадағалайды.

КОМПАНИЯНЫҢ ДИРЕКТОРЛАР КЕҢЕСІНІҢ ҚҰРАМЫ

Кеңестің әрбір мүшесінің түйіндемесінің толық нұсқасымен мына сайтта танысуға болады: www.samruk-energy.kz

---

2020 жылдың қорытындысы бойынша Компанияның тәуелсіз директорлары тәуелсіздік өлшемдеріне толық сәйкес келді.

«Самұрық-Қазына» АҚ Басқармасының 2021 жылғы 12 сәуірдегі шешімімен (№ 13/21 хаттама) «СамұрықЭнерго» АҚ Директорлар кеңесінің мүшесі болып Есімханов Сұңғат Қуатұлы сайланды.

«Самұрық-Қазына» АҚ Басқармасының 2021 жылғы 26 сәуірдегі шешімімен (№ 17/21 хаттама) «СамұрықЭнерго» АҚ Директорлар кеңесінің мүшесі және оның төрағасы болып Ақшолақов Болат Оралұлы сайланды.

«Самұрық-Қазына» АҚ Басқармасының 2021 жылғы 26 сәуірдегі шешімімен (№ 17/21 хаттама) «СамұрықЭнерго» АҚ Директорлар кеңесінің мүшесі болып Кравченко Андрей Николаевич сайланды.

«Самұрық-Қазына» АҚ Басқармасының 2021 жылғы 26 сәуірдегі шешімімен (№ 17/21 хаттама) «СамұрықЭнерго» АҚ Директорлар кеңесінің мүшесі Алмат Күнжолұлы Жәмиевтің өкілеттігі тоқтатылды.

«Самұрық-Қазына» АҚ Басқармасының 2019 жылғы 24 маусымдағы шешімімен (№ 20/19 хаттама) 2020 жылғы маусымда «Самұрық-Энерго» АҚ Директорлар кеңесінің мүшесі Лука Сутераның өкілеттік мерзімі аяқталды.

2021 жылы корпоративтік басқару саласындағы үздік халықаралық тәжірибеге сәйкес Компанияда Директорлар кеңесінің қызметіне өзін-өзі бағалау жүргізілді. Өзін-өзі бағалау Компанияның мүдделі құрылымдық бөлімшелерінің күшімен Компанияның Директорлар кеңесі бекіткен Корпоративтік басқаруды диагностикалау әдістемесі, сондай-ақ корпоративтік басқару саласындағы жетекші практика негізінде әзірленген Директорлар кеңесі мен оның Комитеттерінің қызметін бағалау әдістемесі негізінде өткізілді.

Әдістемеге сәйкес, бағалау технологиясы Директорлар кеңесі мен Директорлар кеңесі Комитеттерінің барлық мүшелері арасында сауалнама жүргізуді қамтыды.

Директорлар кеңесінің қызметін бағалау нәтижесі корпоративтік басқару практикасын одан әрі дамыту жөніндегі бағыттарды көрсетті. Атап айтқанда, персоналды дамыту, еншілес компанияларды басқару, Директорлар кеңесінің жұмысын ұйымдастыру, Директорлар кеңесінің мүшелерін оқыту сияқты негізгі бағыттар айқындалды.

Жүргізілген бағалау қорытындысы бойынша Компанияның Директорлар кеңесі мен корпоративтік басқару қызметінің деңгейін арттыру мақсатында әлсіз жақтарды жоюға бағытталған практикалық іс-шаралар жоспары ұсынылды.

Бағалаудың жалпы рейтингі ықтимал 7 (ААА) ішінен 6 (АА) құрады, бұл дегеніміз: Компанияның Директорлар кеңесі барлық маңызды аспектілерде барлық белгіленген критерийлерге сәйкес келетінін және Директорлар кеңесінің тиімді жұмыс істейтіндігін жеткілікті деңгейде растап отыр.

Директорлар кеңесінің қызметін бағалау нәтижесі корпоративтік басқару практикасын одан әрі дамыту жөніндегі бағыттарды көрсетті. Атап айтқанда, персоналды дамыту, еншілес компанияларды басқару, Директорлар кеңесінің жұмысын ұйымдастыру, Директорлар кеңесінің мүшелерін оқыту сияқты негізгі бағыттар айқындалды.

Жүргізілген бағалау нәтижелері бойынша Директорлар кеңесін дамыту бойынша 2021–2022 жылдарға арналған Іс-шаралар жоспары бекітілді. Қызметтің үздіксіздігін қолдау және Директорлар кеңесінің құрамын прогрессивті жаңарту мақсатында Компанияда «Самұрық-Энерго» АҚ Директорлар кеңесінің Сабақтастық жоспары жұмыс істейді, оның ішінде жоспарды орындау бойынша Іс-шаралар жоспары да бар.

Директорлар кеңесінің, оның комитеттерінің мүшелігіне кандидаттарды ұсыну және іріктеу тәртібі, сондай-ақ тәуелсіздікті, кәсіби біліктілік пен тәжірибені қоса алғанда, бірақ олармен шектелмей, әралуандық факторларын ескере отырып, ұсыну мен іріктеу кезінде пайдаланылатын критерийлер Директорлар кеңесі туралы Ережеге, «Акционерлік қоғамдар туралы» ҚР Заңына, корпоративтік басқару кодексіне сәйкес жүзеге асырылады. Көрсетілген құжаттар мүдделер қақтығысын болдырмау және оларды басқару үшін Директорлар кеңесі пайдаланатын рәсімдерді регламенттейді.

Компанияда Директорлар кеңесінің жаңадан сайланған мүшелері үшін Кеңестің жаңадан сайланған мүшесіне өзінің құқықтарымен, міндеттерімен, компанияның қызметінің негізгі аспектілерімен және құжаттарымен, оның ішінде ең жоғары тәуекелдермен байланысты құжаттармен танысуға мүмкіндік беретін лауазымға бағыттау бағдарламасы бекітілді

Директорлар кеңесі мүшелерінің қатысуы

* 2020 жылғы 24 маусымға дейін (өкілеттіктерінің аяқталу мерзімі)

2020 жылы Компанияның Директорлар кеңесі 162 мәселені қарады. Директорлар кеңесін аса маңызды қаржылық және қаржылық емес проблемалар туралы хабардар ету рәсімі қолданыстағы заңнамаға және ішкі нормативтік құжаттарға сәйкес реттеледі. 2020 жылдың нәтижелері бойынша мұндай жағдайлар болған жоқ

Директорлар кеңесі шешім қабылдаған мәселелер

Директорлар кеңесінің мүшелеріне сыйақы беру

«Самұрық-Энерго» АҚ Директорлар кеңесі мүшесінің міндеттерін атқарғаны үшін Тәуелсіз директорлар жылдық тіркелген сыйақы алады.

Тәуелсіз директорға «Самұрық-Энерго» АҚ Директорлар кеңесінің және директорлар кеңесі комитеттерінің тәуелсіз директордың тұрғылықты жерінен тыс жерде өткізілетін отырыстарына баруға байланысты шығыстар (жол жүру, тұру, тәуліктік) өтеледі. Тәуелсіз директорларға төленген 2020 жылғы барлық сыйақы 187 707 АҚШ долларын немесе 76 937 592 теңгені құрады.

Директорлар кеңесінің комитеттері

Кеңес өз атынан белгілі бір міндеттерді орындау үшін мәселелер мен қабылданатын шешімдерді неғұрлым терең зерделеу және сапалы пысықтау мақсатында тиімді жұмыс істеуі және тиісті назар аударуы үшін өз комитеттеріне өкілеттік береді.

Компанияда Директорлар кеңесінің жанындағы комитеттер жұмыс істейді: Аудит комитеті, Тағайындаулар және сыйақылар жөніндегі комитет, Стратегиялық жоспарлау комитеті, сондай-ақ Қауіпсіздік, еңбекті қорғау және қоршаған ортаны қорғау жөніндегі комитет.

Комитеттер бойынша отырыстарда қаралған мәселелер саны

Аудит комитеті

Комитет қызметінің мақсаты Компанияның қаржы-шаруашылық қызметіне бақылау жасаудың тиімді жүйесін белгілеуге қатысты мәселелерді тереңдете зерттеу үшін Директорлар кеңесіне жәрдем көрсету, оның ішінде қаржылық есептіліктің толықтығы мен дұрыстығы, ішкі бақылау мен тәуекелдерді басқарудың сенімділігі мен тиімділігіне бақылау жасау, корпоративтік басқару саласындағы құжаттардың орындалуына бақылау жасау, сыртқы және ішкі аудиттің тәуелсіздігін бақылау, сондай-ақ Қазақстан Республикасы заңнамаларының сақталуын қамтамасыз ету болып табылады.

Комитет құрамы:

• Андреас Сторзел – Аға тәуелсіз директор, Комитет төрағасы;
• Хоакин Галиндо – Тәуелсіз директор, Комитет мүшесі.

Аудит комитеті отырыстарының саны

Негізгі қаралған мәселелер

Қаржылық есептілікті әзірлеу мәселелері бойынша атқарушы органмен, сыртқы аудиторлармен кездесулер өткізілді. Ішкі аудит қызметі, «Комплаенс» қызметі және «Тәуекел-менеджмент және ішкі бақылау» департаменті жұмыстарының мәселелері қаралды.

Тағайындаулар және сыйақы комитеті

Тағайындаулар және сыйақы комитеті Директорлар кеңесінің консультативтік-кеңестік органы болып табылады, ол Компанияның ішкі нормативтік құжаттарына сәйкес Директорлар кеңесінің мүшелерін, Басқарма құрамын, Корпоративтік хатшыны, сондай-ақ басқа қызметкерлерді тағайындау және оларға сыйақы белгілеу мәселелері бойынша ұсынымдар әзірлеуді қамтамасыз етеді.

Комитет құрамы:

• Хоакин Галиндо – Тәуелсіз директор, Комитет төрағасы;
• Андреас Сторзел – Тәуелсіз директор, Комитет мүшесі;

Тағайындаулар және сыйақы комитеті отырыстарының саны

Негізгі қаралған мәселелер

Есептік мерзім ішінде Директорлар кеңесіне «СамұрықЭнерго» АҚ компаниялар тобы бойынша Байқаушы кеңес/Директорлар кеңесі мүшелерін сайлау мәселелеріне қатысты ұсыныстар берілді. Компанияның Тәуекелдер және құқықтық мәселелер жөніндегі басқарушы директорын қызметке тағайындау туралы, Дамыту және сату жөніндегі басқарушы директордың лауазымдық сипаттамасы мен оны бағалауды (Job description) бекіту туралы, Компанияның жаңа редакциядағы ұйымдық құрылымын бекіту туралы ұсыныстар берілді.

«Самұрық-Энерго» АҚ Басқарма мүшелері, Ішкі аудит қызметінің жетекшісі және Корпоративтік хатшы қызметінің негізгі көрсеткіштерінің нақты мәні, «СамұрықЭнерго» АҚ Басқарма мүшелері, Ішкі аудит қызметінің жетекшісі мен Корпоративтік хатшысының мотивациялық НҚК-сі қаралды.

Стратегиялық жоспарлау комитеті

Стратегиялық жоспарлау комитетінің мақсаты Компания қызметінің басым (даму) бағыттарын, стратегиялық мақсаттарын (даму стратегияларын) әзірлеу, Компанияның инвестициялық жобаларын, шеберлік жоспарларын және Компанияның ұзақ мерзімді келешектегі қызметінің тиімділігін арттыруға ықпал ететін іс-шараларды іске асыру, еңбекті және қоршаған ортаны қорғау мәселелерін қоса алғанда, орнықты дамуды басқару жүйесін ендіру мәселелері бойынша ұсынымдар беруді қамтамасыз ету болып табылады.

Комитет құрамы:

• Андреас Сторзел – Тәуелсіз директор, Комитет төрағасы;
• Хоакин Галиндо – Тәуелсіз директор, Комитет мүшесі.

Стратегиялық жоспарлау комитеті отырыстарының саны

Негізгі қаралған мәселелер

Тоқсан сайын мынадай: «Самұрық-Энерго» АҚ-ның Корпоративтік басқаруды жетілдіру және Корпоративтік басқару кодексін ендіру жөніндегі іс-шаралар жоспарының орындалуы туралы, Компанияның 2018–2028 жылдарға арналған Даму стратегиясын іске асыру жөніндегі іс-шаралар жоспарын қарау туралы, Компанияның Даму жоспарының орындалуы туралы, Компанияның инвестициялық жобалары бойынша инвестициялардың игерілуі туралы, Компанияның Цифрлық трансформациялау бағдарламасының іске асырылу барысы туралы есептер қаралды.

Компанияның Маңыздылық матрицасын, құны 1 млрд теңгеден асатын Екібастұз ГРЭС-1 № 4 Энергия блогын күрделі жөндеу жобасын, Қоғам деңгейінде шығаруға жататын стратегиялық емес активтердің (дивестициялардың) тізбесін, 2019 жылғы стейкхолдерлермен өзара іс-қимыл және кері байланыс тетігі жөніндегі есепті қарау.

Қауіпсіздік, еңбекті және қоршаған ортаны қорғау комитеті

Комитеттің мақсаты Директорлар кеңесіне қауіпсіздік, еңбекті қорғау және қоршаған ортаны қорғау мәселелері бойынша ұсынымдар дайындау, бағалау, талдау және тиімді жұмыс жүргізу арқылы Компания қызметінің тиімділігін арттыруды қамтамасыз ету болып табылады.

Комитет құрамы:

• Хоакин Галиндо– Тәуелсіз директор, Комитет төрағасы;
• Андреас Сторзел – Тәуелсіз директор, Комитет мүшесі.

Қауіпсіздік, еңбекті және қоршаған ортаны қорғау комитеті отырыстарының саны

Негізгі қаралған мәселелер

Қауіпсіздік, еңбекті қорғау және өндірістік жарақаттану саласындағы жұмыс туралы есепті тоқсан сайын қарау. Еңбек қауіпсіздігі және еңбекті қорғау саласындағы оқыс оқиғалар мен бұзушылықтарды тіркеудің бірыңғай автоматтандырылған жүйесінің тұжырымдамасын қарау.